Alls munu 11 manns vera í framboði til embættis forseta Íslands. Þetta kom fram í úrskurði landskjörstjórnar.
Fyrir helgi skiluðu 13 frambjóðendur framboðsgögnum til landskjörstjórnar en fram kom í tilkynningu hennar á blaðamannafundi í morgun að framboð Kára Vilmundarsonar Hansen og Viktors Traustasonar voru ekki gild.
Þessi verða í framboði:
- Arnar Þór Jónsson
- Ásdís Rán Gunnarsdóttir
- Ástþór Magnússon Wium
- Baldur Þórhallsson
- Eiríkur Ingi Jóhannsson
- Halla Hrund Logadóttir
- Halla Tómasdóttir
- Helga Þórisdóttir
- Jón Gnarr
- Katrín Jakobsdóttir
- Steinunn Ólína Þorsteinsdóttir
Eftir að hafa yfirfarið meðmælalista forsetaframbjóðendanna fyrir helgi fengu fjórir frambjóðendur frest þangað til í gær til að bæta við sig undirskriftum, eða þau Ástþór Magnússon, Helga Þórisdóttir, Eiríkur Ingi Jóhannsson og Arnar Þór Jónsson, og tókst þeim öllum að safna nægilegum fjölda undirskrifta.
https://www.mbl.is/frettir/innlent/2024/04/28/astthor_og_arnar_thor_komnir_med_medmaelin/