„Ekkert haft samband við mig“
Setja bókamerki
Framboð Viktors Traustasonar til embættis forseta Íslands var ekki metið gilt af landskjörstjórn. Hann segist fyrst hafa frétt af því þegar hann mætti á fundi kjörstjórnarinnar á Þjóðminjasafninu í morgun.
„Ég fékk engar fregnir. Það var ekkert haft samband við mig hingað til,” segir Viktor, sem kveðst fyrst hafa haldið að hann ætti að fara í Norræna húsið á fund kjörstjórnar. Sem betur fer hafi hann komist á Þjóðminjasafnið í tæka tíð.
„Mig langaði til þess að bjóða fram skýr og markviss stefnumál í embættið,” segir hann, spurður út í áherslumál sín.
„Númer eitt, að tryggja þrískiptingu ríkisvaldsins með því að leyfa þingmönnum ekki að sinna ráðherraembættinu, ekki nema þá að þeir segi af sér þingmennskunni fyrst,” segir hann og nefnir næst þörfina á að búa til varnagla fyrir þjóðina til að koma í veg fyrir að Alþingi samþykki frumvörp sem eru í óþökk meirihlutans.
„Númer þrjú, að tryggja að Alþingi starfi með umboði meirihluta kjósenda. Það myndi ég gera með því að passa upp á það sem ég kalla týndu þingsætin.”
Aldraðir beittir ofbeldi
Kemur ekki til greina að semja við ESB
Meti umsóknir um ríkisborgararétt
„Mjög miður að af þessu hljótist kostnaður“
„Dómurinn hefur ríkt fordæmisgildi“
Urðu ekki vör við kvikuhlaup
Guðmundur Fertram tilnefndur
Baldur: Það má ekki gelda embættið