Ökuníðingur enn í haldi – „Mildi að ekki fór verr“

Skýrsla verður tekin í dag af ökumanninum sem var handtekinn í gærkvöldi eftir að lögreglan veitti honum eftirför í Voga- og Laugarneshverfi. 

Frétt af mbl.is

Ók á ofsahraða á móti umferð og uppi á stétt

„Það þarf að taka skýrslu af honum í morgunsárið og spyrja hann út í þetta,” segir Ásmundur Rúnar Gylfason, aðstoðaryfirlögregluþjónn hjá lögreglunni á höfuðborgarsvæðinu, spurður hvort maðurinn sé enn í haldi.

mbl.is/Eggert Jóhannesson

Maðurinn, sem er á fimmtugsaldri, er grunaður um akstur undir áhrifum áfengis og fíkniefna og hefur hann áður komið við sögu hjá lögreglunni. Ók hann á ofsahraða um vistgötur.

Frétt af mbl.is

Stór lögregluaðgerð í Vogahverfi

„Það stafaði mikil hætta af háttsemi þessa einstaklings og var mikil mildi að ekki fór verr,” segir Ásmundur Rúnar. „Við lítum þetta alvarlegum augum.”

• Blogga um frétt